salse e ancora salse...

                                                            PEARA'

Questa xe na salseta che se sposa da Dio co la carne lessa.
Se la prepara dentro una tecèta de cocio,de quele dei nostri noni,fassendo mescolar insieme un tocheto de butiro e el dopio
de megola de bò.
Se ghe zonta un fià de pangratà.
Me racomando de adoperar el mescolo de legno.
Adesso se ghe zonta un pocheto de brodo,e se se desmentega la tecèta sul canton del fogo,che la pipa adasseto,almanco par do orete bone.
Ogni tanto se ghe dà 'na missiadina col mescolo.
Sal e pevare,quelo nero,becante.
Chi che xe rafinato,o che ghe piase megio,pol zontarghe,al posto
del pevare,un fià de "cren"gratà e destemparà nell'asèo.
Cussì co i magna,e se ricorda de Ceco'Bepe,parchè sta riceta col cren ne la ga lassada i austriaci.

                                                                                                                                                                                                                                  

ricette veneziane........

Eccomi...
era tanto che non scrivevo qualcosa sul mio blog!

allora ecco una ricetta veneziana per le mie cugine e amiche veneziane,una buonissima salsina piccante per il pesce.


                     SALSA PICANTE  

Se destempara un pugno de farina de fior in acqua,o megio,in brodo,missiando ben par non far gnochi.
Zontarghe un fiantìn de butiro apena descolà,
qualche sardela salada,lavada e senza spin,sal(pocheto),pevare,una gratadina de scorza de mezo limon.
Se lassa bogiar un pocheto e pò se la serve calda.
Sta salsa xe ecelente anca par el pesse.

                                 

BUON APPETITO!!!!!!!